الجزء الثاني والعشرون ..
زينب تفتح الباب بهدووء عشان ما يحس حسن ...وحسن يطالع باب حجرتها يحارسها تطلع
ينفتح الباب وتركض زينب بكل سرعتها على الدرج وهي تصارخ: بطييييييييح بطيييييييييييح يمـــــــــــــه بطيييح
حسن خاف عليها تطيح لأن لو طاحت خلاص بتروح فيها..نزل وراها وهو مو عارف شلون ينقذها
حسن يصارخ: زينـــــــــب وقفي وقفي مو تركضين
حجي صالح والأم مليحة سمعوا الصراخ..ومن الخوف قاموا يركضون ليهم
الأم مليحة: ويلييي بتيي بتطييح بتطييح حسن جودها
حجي صالح يروح يوقف قدام الدرج وتطيح زينب في حضنه..طاحوا على الأرض بس ما تعورا واجد
حسن خايف: زينب تعورتين؟؟
زينب تصيح: آآآآي ركبتييي تعورنييي جان بمووت
حجي صالح: وانتين جاهله عشان تراكضين على الدرج...خلاص اعقليي..انتن كبرتين وتصرفاتش للحين تصرفاات جهال
زينب: واني وش دراني اني بطييح ..وتكمل صياحها
الأم فخرية راحت تجيب ثلج ورجعت لهم: تعالي بحط على ركبتش الثلج..يا علييي اكي صايرة حمررة
زينب تصيح: اهيء اهيء اهيء اخاف انكسرت ركبتي
حجي صالح يضحك على بته: هههههههههههههههه ما اقدر على الدلاليع انا...الحين انتين طحتين عليي وانا المفروض اللي اتعور مو انتين..بس الدلاعه وما تسوي
حسن: وش دراني عنها الدليعه..كأنها جاهله
زينب: انته ما يخصك...انته السبب
حسن يقلد عليها: انته ما يخصك انته السبب..ما اقول الا مالت على الدلالييع
زينب: مالت عليك الا انته...ترى حتى زهروو دليعه..وادلع مني..لا تنسى انه هي الوحيدة دلوعة الماما والبابا
حجي صالح والأم فخرية يضحكون عليهم
حجي صالح: هههههههه ما تغلبها ما تقدر عليها دي..اشوف حرقت وحجك حراااق
حسن مستحي: هادي ما تعرف تجود لسانها ...لازم تحرج الواحد
حجي صالح: ايوه ايوه ابو الشباب..ها اشوف البنيه ساحرة عقلك ومطيرتنه بعد...ها صرنا نحب ونعشق..ونبي نخطب بعد
زينب ميتة ضحك: ههههههههههههههههههاااي خخخخخخخ ويلي ما اقدر..خلاص ابوويي كلامك تحطييييييم هههههههههه شوف الصبي صاير وجهه مثل الطماطيه
الأم مليحة: ههههه مسكين ولدي خلوه في حاله لا تغربلوونه
حجي صالح: لا كبر الصبي كبر...قام يستحي بعد من نجيب ليه طاري العرس
حسن: أنا بقوم أطلع أحسن ليي
حجي صالح: تعال ما تبي نروح نخطبها لك..أنا مكلم أبوها بعد الصلاة بنروح ليه
حسن رجع بسرعه: وش قلت ابووي وش قلت
حجي صالح: اللي سمعته هههههههههه
زينب: لااا جيفه تقرروون بروحكم وما تقولون ليي
حسن: وانتين اللي بيخطبون ليش لو اناا ..يلا روحي ولي منااك
زينب وقفت: ما يصييير اني اعترررض..اني بعد لازم تخطبوون ليي
الكل مستغرب من كلام زينب...وش فيها دي لا يكون خرفت مسكينه
حجي صالح: تبين نخطب ليش؟؟
زينب: أي من حقي
حسن: أي حق يا المخرفة...جي انتن صبي عشان يروحون يخطبون حقش..انتين بنيه يا الحوله هم اللي يجون ليش..ما تفهمين!!!
زينب: اني ما يخصني
حجي صالح: لاااا شكلها بتش مخرفة...وتبين ان شاء الله تاخدين من بعد؟؟
زينب: واحد
حجي صالح: لا هادي اليوم ناويه تحصل جم طراق ...اي واحد هذا؟؟
زينب خايفة: واحد اسمه ليسن
حجي صالح: اول مره اسمع هالاسم..من وينه تعرفينه يا طايحة الحظ..؟؟
حسن ميت ضحك: ههههههههههههههههههههههههههه تبي واحد اسمه ليسن...ابوي للحين ما فهمت ليها هههههههههه
حجي صالح: وانته وش فيك تضحك..ما تشوف اختك تبي من؟
حسن: ههههههههههه آآآه مانا قادر هي تقصد تبي تاخد الليسن
حجي صالح: هااا قولي جدي من البدايه..غربل الله بليسش..تقولين تبين تخطبين واحد وش دراني
زينب: أي الحين بتخليني أخده او لا؟؟
حجي صالح يعاندها: لا ممنوع البنات ياخدونه
زينب: ومتى طلع هالقرار؟؟اكي زهرة بتتدرب ما قالو ليها جدي>>> مسكينه مصدقه
حجي صالح: توه من جم يوم طالع..لأن شافوا البنات كله يسوون حوادث..من جدي منعوا انهم يتدربون
زينب: لاا مو على كيفهم..واللي تدربو قبلنا!!
حسن منخش ورى أبوه وهو مجود ضحكته
حجي صالح يواصل: دلاك قالوا بيسحبون منهم الليسن
زينب: لاااا وما دوروو يطلعون هالقرار الا علينا احنا!!
حجي صالح: وش اسوي فيكم يا بتيي انتون فقر يمكن
زينب: ابوويي الا اشوف قلبت عليي الحين
حجي صالح: انتين من جبناش فقر..ااتذكر السنه اللي جبناش فيها...احترق بيت الجيران..بيت سيد مهدي...وام حجي عباس توفت...ولد عمي مجيد طلق مرته فوزية
زينب: بـــــــــــل كل هذا صار في سنتي..واني وش يخصني!!
حجي صالح: ما اقول ليش انتين فقر..كل شي تبينه ما يصير
حسن خلاص مو قادر يتحمل أكثر..ويفقعها ضحك على زينب الهبله
الأم مليحة: هههههههه مسكينه بتي تتطنزون عليها هاا..ما عليش منهم يطنزون عليش
زينب: ابوويي صدق لو لا؟؟
حجي صالح: وانا اجدب عليش يعني؟؟
حسن: هههههههههههههههههههههههههههههههه هههههههههههههههههههههههههههههههه لاا ابووي وتذكر يوم اللي جبتونها انا كنت العب بالسيكل مالي جان انشدخ منه وينبط راسي..بعدين خيطووه ليي خخخخخخخخخخ
حجي صالح: ايي اتذكر مسكين ولدي..جان راح من ايدينا
الأم مليحة: جوزوو عاد عنها مسكينه اكي بتصييح
حجي صالح: بس انا قلت بخليش تتدربين مو على كيفهم
حسن: هههههههههههههههههه أي القرارات كلها عند ابووي خخخخخخخخ
حجي صالح: تتطنز يا الثور هاا ههههههه
حسن: لا بس اتذكر لما قلت لازم يوزعون على الشعب كل واحد 1000 دينار...سمعوا كلامك ووزعووا بعد خخخخخ
حجي صالح: ههههههههههه هههههههههه أي ما يدوروني الا اني يسمعوني عاد
زينب: الحين انتون ويش تقولون!!
حجي صالح: بس قلت ليش بخليش تتدربين...ارتحتين الحين!!
زينب: صدق يعني كنت تتطنز عليي
حجي صالح: ايي نسوي جوو شوي
زينب: وتقلب عليي اني...
حسن: عجل بس اناا
حجي صالح: يلا انا بقوم عندي شغل
حسن: والموعد؟؟
حجي صالح: أي موعد؟؟
حسن: موعدنا ويه حجي مكي!! نسيت ابووي
حجي صالح: انا ما اتذكر اني واعدت حجي مكي
حسن: اووو ابووي خل عنك هالسوالف الحين انا اتكلم عن جد
حجي صالح: وانا اتكلم عن عم
حسن: ابويي وش فيك !! الموعد نروح نخطب بت حجي مكي
حجي صالح: نخطبها حق من؟؟ في أحد يبي يخطب!!
حسن: تخطبها ليي..انا اللي ابي اخطب
حجي صالح : ههههههههههه ادري..بس ابي اجننك شوي
حسن: نشفت دمي..انا عبالي خلاص كنسلت ما بتروح
حجي صالح: وانته وش فيك مستعجل على رزقك
حسن: اخاف يطير من ايدي...مثل ديك المره
حجي صالح: الله يساعد قلبك...انته بس جهز روحك بعد الصلاة...كلكم جهزوا روحكم هاا
زينب: الااااي بيصير عندنا عرس..ولا بعد رفيقتي العزيزة بتاخد اخووي العله
حسن: انتن مو كفو أحد يكلمش
زينب: ويي لا تخليني الحين اروح اقول ليها ما توافق عليك
حجي صالح: ايي روحي قولي ليها
حسن: لاا ابووويي وش فيك ناوي عليي
حجي صالح: يعني لو ما وافقت عليك انته بتموت!!
حسن: ايي انته وش دراك
حجي صالح: بـــــــــــــل مو حب هذا
حسن: امااه قومي شببيني
الأم مليحة: الله يرحم ديك الأياام
زينب: هااا أي أيام بعد..أيام الشباب تقصدين؟؟
حجي صالح: والله احنا الحين شباب..حتى لين انتين واخوش عجزتون انا وامش للحين شباب
حسن: ايوه ايوه عاش الحب عاااش
زينب تصفق: ايوااا عاش الحب وعاشت اياامه ايوااا عاااشوو
حجي صالح يصارخ عليهم: بـــــــــــــــــــــــــــس انجبووووووا
حسن وزينب وقفوا: ان شاء الله ابوي...وطلع حجي صالح من البيت...
العضو الأكثر نشاطاً هذا اليوم 
02-28-2010, 08:00 AM
العرض العادي
